Nasjonalmuseet for kunst, arkitektur og design viser ei ny utstilling på Nasjonalgalleriet i perioden 27.januar – 13.mai 2012. Denne utstillinga presenterer kanadiske landskapsmålarar i det 20.århundre. Møtet med naturen var utgangspunket for ekspressive bilete. Etablering av “The Group of Seven” danna grunnlaget for den kanadiske modernismen. Gruppa, leia av Tom Thomson, var inspirert av den skandinaviske kunsten etter at ei vandreutstilling med kunst frå Norden vart vist i USA i 1913, der to gruppemedlemmene var til stades.

Den norske oppblomstringa innan kunst og litteratur voks fram i kjølvatnet av 1814, og visjonen om ein sjølvstendig norsk nasjon engasjerte mange kunstnarar utover i det 19. hundreåret. Inspirasjonen frå Norden gjorde at desse målarane ville skildra den heimlege naturen frå Quebec i aust til British Columbia i vest. Dei kom til å fornya kunsten og kunstforståinga for landskap som studie og kunstuttrykk i heimlandet .“Tom Thomson var ildsjelen og pioneren som fikk de sju vennene med seg ut i ødemarka for å male spontane skisser.” står det å lesa i omtalen frå Nasjonalmuseet. Mellom kunstnarane som er representert i utstillinga finn ein namn som A.Y Jackson, Arthur Lishmer, J.E.H MacDonald.

Som ein del av dei 120 måleria frå Canada viser museet og nokre av dei nordiske kunstverka som var med på vandreutstillinga i USA. Det er kunstnarar som Edvard Munch, Torolf Holmbo, Prins Eugen og Gustav Fjærstad, som alle er representert i Nasjonalmuseet sine samlingar.

Kjelder:.
Nasjonalmuseet, for kunst, arkitektur og design. Utstillingskatalog 2012
Nasjonalmuseet, for kunst, arkitektur og dessign. Informasjon
Painting Canada. Tom Thomson and The Group og Seven. Philip Wilson Publishers, 6 Salem Road London w24Bu, ISBN 978-0-85667-686-4

Utstillinga VIDEOSPACE representerer videokunst med kunstnarar frå Asia, Europa og USA. Det spesielle med denne utstillinga er at videokunsten er medium for kunstuttrykket som desse kunstnarane formidlar. “Deres kunstneriske intensjoner er mangfoldige – alt fra personlige, sosiale, vitenskaplige, politiske, psykologiske til historiske synspunkter blir formidlet både med humor og vidd og det største alvor”. (Informasjonsheftet s.2).

Utstillinga er eit viktig korpus av visualiseringar i rørsle, forteljingar og hendingssekvensar frå vår tids kultur, og er representert ved kunstnarane Cao Fei, Paul Chan, Nikhil Cohpra, Trisha Donnelly, Douglas Gordon, Hu Xiangqian, Peter Land, Liang Yue, Klara Lidén, Ann Lislegaard, Lu Chunsheng, Paul McCarthy, Bruce Nauman, Adam Putnam, Qui Anxiong, Song Tao, Sam Taylor-Wood, Yang Fudong og Zaho Tao.

Denne utstillinga vil vera open i perioden 3.11.- 31.12.2011. Ved å kjøpa ein billett, kan ein sjå utstillinga fleire gonger. Tidsperspektivet om ein vil sjå alle installasjonane er kalkulert til omlag 6 timar. Kuratorar er Gunnar B Kvaran, Grete Årbu

Dette er den siste utstillinga i noverande lokala til Astrup Fearnley Museet. Nytt museum på Tjuvholmen, Oslo vil stå ferdig hausten 2012. Museet er teikna av ein verdskjend arkitekt med namn Renzo Piano.

Kjelde:
VIDEOSPACE. Astrup Fearnley Museet for moderne kunst. (Katalog nr. 75. ISBN-978-91-43068-3)
VIDEOSPACE. Informasjonshefte

EN MYSTISK SYKDOM
“Sommaren 1949, etter at aluminiumsproduksjonen i Årdal var startet, kom det et brev til vetrinærdirektøren fra distriktsdyrlegen som holdt til i Lærdal. Distriktsdyrlegen skrev at han tidligere på sommeren var blitt varslet om en mystisk sykdom som hadde begynt å opptre i en del besetninger i Årdal.Samme dag hadde han reist for å undersøke dette nærmere. Der ble han, som han skrev, snart klar over at det man sto overfor, var et alvorlig tilfelle av fluorforgiftning. I ti besetninger var både ku, sau og geit mer eller mindre angrepet. dyrene virket sløve og ville helst ligge. De hadde vanskelig for å reise seg, og for å gå.” ( K.Asdal, 2011, s.26).

Denne innleiinga i eit av kapitla i boka med same tittel som overskrifta, er forteljinga om aluminiumsindustriden sin framvekst blant anna i Årdal eller Årdal og Sunndal Verk, som det heitte den gongen. Vedtaket om å ferdigstilla verket i Årdal vart fatta av Stortinget i 1946. Denne prosessen knytt til utviklinga av aluminiumsindistrien og industrisamfunnet hadde både føremuner og ulemper.

Forureiningsproblematikken som auka utover 50-talet førte til at Røykskaderådet, seinare Statens Forureingingstilsyn, vart oppretta. Dette spennet mellom industri, naturforureining og politikk er engasjerande fortalt i denne boka. Her er historikken om industriutviklinga, dragkampen mellom ulike interesser og poltiske prosessar formidla. Denne boka med eit lokalhistorisk tilsnitt, set naturvern i eit interessant perspektiv.

Kristin Åsdal. Politikken natur – naturens politkk. Universitetsforlaget 2011.

Veving som kunsthandverk har lang tradisjon. Den norske tekstilkunstnaren Hannah Ryggen løfta biletveven opp frå husflid til kunst. Ho var fødd i Sverige, men hadde størsteparten av sin karriere i Noreg. Kunsthall Oslo presenterer i perioden 5.mars – 24.april ei samling av kunstverka hennar over ein 15-års periode, og som i tid og motiv spenner over den andre verdskrigen. I mellomkrigstida utvida ho motivvala sine og vov politiske motiv mot krig og fascisme. Det politiske engasjementet hennar kjem til uttrykk mellom anna i to av teppa. “Liselotte Herrmann” (1938) har referanse til ein tysk kommunist som vart henretta. Eit anna motiv er “Drømmedød” (1936) som er dedikert til humanisten og Nobelpris-vinnar Carl von Ossietsky. Begge desse motiva avspeglar kunstnaren si tru på kor viktig enkeltmenneska sin kamp har vore gjennom historia.

I tillegg til kunstverka som er samla i Kunsthall Oslo rundt Hannah Ryggen sine tepper, er mellom anna verk frå kunstnarar i samtida, til dømes Pablo Picasso, Claude Cahun, Gerd Arntz og Gunnar S Gundersen, for å nemna nokre. Sistnemnde Gunnar S Gundersen har sitt opphav i Sogn og Fjordane, med Førde som fødestad.

Dei utstilte kunstverka er utlånt frå fleire institusjonar både i Noreg og utlandet. Kunst er utlånt frå til dømes Nordenfjeldske Kunstindustrimuseum, Stockholms Statsmuseum, Statministaren sitt kontor og Hydro sine kunstsamlingar.

For dei som både arbeider med veving, kunsthandverk eller kunstformidling er dette ein unik sjanse til å sjå biletkunst måla med veven, som det står i katalogen.

Denne retrospektive utstillinga finn ein i Bjørvika, i nærleiken av Sentralstasjonen. Kunsthall Oslo har adr.: Trelastgt.3, 0191 Oslo

Kjelde:
Informasjonskatalog Kunsthall Oslo v/Marit Paasche
Store norske leksikon

Kulturpåverknad har til alle tider ført til endringar i samfunnet på fleire arenaer. Innan kunst og arkitektur har dei islamske eller mauriske impulsane nedfelt seg også i Europa og Norden. Desse stramumdraga med opphav i orientalismen vert no vist i utstillinga ved Kunstindustrimuseet, Nasjonalmuseet for kunst, arkitektur og design. Sentralt i denne utstilling står den britiske designaren, arkitekten og kunstteoretikaren Owen Jons (1809 – 1874).

Denne kunstforma har ornamentikken i fokus. Owen Jons sine studier ved Alhambrapalasset i Granada, Spania førte til utvikling av banebrytande teoriar om abstrakt ornamentikk, flatmønstre og fargebruk som utfordring til den tradisjonelle designkunsten i Storbritannia.

Kunstretninga som spreidde seg, kom til uttrykk i dei nordiske landa som “nordisk orientalisme”. I Noreg er fleire byggverk inspiret av denne kunstforma frå islamsk kunst. Arkitekten Georg Bull fekk oppført blant anna ein villa i maurisk stil i Oslo. Eit anna døme er Ole Bull sin Villa Lysøen ved Bergen som Fredrik van der Lippe var arkitekt for. Arkitekten Georg Bull hadde elles i perioden rundt 1850 oppdrag frå kyrkjedepartementet om å måle opp og gjera nedteikningar av stavkyrkjene/stavkyrkjearkitekturen som skulle rivnast i i denne tidsepoken. I stavkyrkjearkitekturen står ornamentikken sentralt. Dette oppdraget medførte mellom anna at stavkyrkjer frå Sogn, Årdal og Feios, vart nedteikna og oppmålt.

Denne utstillinga er open i tida 30.januar – 30.april 2011. St. Olavsgt. 1, Oslo

Kjelder.
Informasjonshefte frå Nasjonalmuseet for kunst, arkitektur og design.
Norges kunsthistorie. Gyldendal Norsk Forlag – Oslo 1981
Store norske leksikon G.A.Bull
Wikipedia