Stolt far Odd Gloppestad viser fangsten som sonen Aadne fekk på kroken ein sommardag i 2010. Foto: Aadne Gloppestad

Denne ruggen sletta 28 år gammal rekord.

Idylliske Røsskleivdalen – med eit rikt fugle- og dyreliv – i tillegg til fiskemoglegheitene. Foto: Lars Bjørkeland

Røsskleivdalsvatnet i Gloppen ligg 25 minutts gange frå Leirstøylen, og til støylen kan du køyre med bil på bomveg.

Vatnet vart kunstig oppdemma av medlemmer av Gloppen jeger- og fiskarlag (GJFL) tidleg på 60-talet. Det er 0,05 kvadratkilometer stort og 8 meter djupt, med ei betongdemning ved utløpet.

Etter at vatnet vart oppdemma vart det sett ut aure frå Langedalen, i tillegg til at det vart sett ut regnbogeaure.

Største fisk var lenge 2,5kg teken i 1972, men i 2010 slo far og son Gloppestad til med ein rugg på 3, 45 kilo.

Makk og fluge best
Ved Røsskleivdalsvatnet ligghytta til GJFL, som kan leigast av medlemmer i Norges jeger- og fiskarlag hos G-sport Sandane. Her får du og nøklar til båten, og pris per døgn er 50 kroner for kvar person.

Du må vere medlem i Norges Jeger og Fiskerforbund for å leige hytta. I spesielle situasjonar, for eksempel for organisasjonar/skular, har det vore gjort unntak.

Båten, eller prammen som vi kallar han, er vanlegvis låst og årene ligg i hytta. Du må derfor avtale med GJFL om du vil låne båten.

Makk og fluge er det beste agnet, ifølgje rapportane. I meir enn ti år har artikkelforfattaren laga rapport om fangst i vatnet, no er det overteke av andre. Snittvekta var ofte 450 – 600 gram.

Gratis fiske
Regnbogeauren er no borte, men den andre aurestammen er fin og stabil. Fiske har alltid vore gratis, mot rapportering av fangst i fangstboka som ligg ved hyttedøra. Her er det også ei vekt og lengdemål til bruk for fiskarane.

Vatnet ligg i Kolebakkane naturvernområde, og har spesielle reglar for bruk av naturen. Det er blant anna ikkje lenger lov å kalke innløpsbekken til vatnet. Dette vart gjort i mange år, og på 60-talet vart vatnet og område rundt kalka ved hjelp av fly.

Fleire data, bilete og vatn på nettsida Sportsfiske i Norge.

Artikkelforfattaren Lars Bjørkeland driv nettsida Sportsfiske i Norge, som inneheld faktainformasjon om fiskevatn i Norge. Annankvar måndag vert eit av vatna frå Sportsfiske i Norge presentert i Firda, både på nett og i papiravisa. Ønskjer du å bidra med tekstar, bilete, tips eller anna stoff til Firda sine sportsfiskesider, gjer du det på denne sida.
_

Breimsvatnet i Gloppen ligg like ved E39, og har blant anna ein stamme av storaure. Foto: Lars Bjørkeland

Breimsvatnet i Gloppen kan by på både aure og røye, og vatnet har også ein storaure-stamme.

Lars Bjørkeland og Rune Hjelle tek ein kaffipause ved vasskanten, og konkluderer med at ein fisketur ikkje berre er ein fisketur. Foto: Lars Bjørkeland

Dette vakre eksemplaret av ein fisk fekk artikkelforfattaren ein sein septemberdag i 1998. Vekta var 4,2 kilo. Foto: Lars Bjørkeland

Breimsvatnet ligg i Gloppen i Nordfjord like ved E39. Vatnet er 23,6 kvadratmeter og 273 meter på det djupaste. I vatnet er det aure og to typar røye – dvergrøye og vanleg røye.

Breimsvatnet har også ein storaure-stamme. Største fisken som er fanga på garn er 12,5 kilo og største på stang er 7 kilo.

På ettersommeren er det mange som dorgar etter storørreten. Det gjeld både fastbuande og tilreisande.

Artikkelforfatteren fekk eit fint eksemplar på dorg ein septemberdag i 1998.
Ein annan fiskemetode er å leggje seg inntil ei av dei mange småelvene og bekkane som renn ut i vatnet – når dei veks opp etter ei regnskyll.

I store deler av sommaren er vatnet lysegrønt. Dette er på grunn av store mengder avleiringar som kjem frå Jostedalsbreen og vert frakta nedover elva i vatnet. Sikta i vatnet er då berre 4 – 6 meter, mot normalt 10 – 12 meter.

Utfisking: På midten og framover mot slutten av 90-talet var det eit omfattande utfiskingsprosjekt i Breimsvatnet. Dette vart delvis finansiert gjennom offentleg tilskot.
I perioden vart det fiska 15 tonn med røye. Dette gjorde at den attverande fisken fekk betre levevilkår.

Agntypar: Det er alltid vanskeleg å anbefale agntypar, men woblarar med sterke fargar på høgste sommaren, og svart/kopar spinnar eller sluk om hausten er vel bankers.
Makk er vanleg ved mykje nedbør og hauststemning. For flugeentusiastar er innosane eit flott område, blant anna ved Reed Camping.

Garnfiske: I tida etter utfiskinga var det fritt å fiske med garn, mot vanleg fiskekort. No blir det arbeidd med ein revisjon av desse reglane.

Kraftutbygging: Det føregår planar om kraftutbygging av hovudinnløpet til Breimsvatnet. Dette skapar debatt om skade på fiskeområde og fiskeinteresser. Innløpselva til vatnet og osen er ein ynda fiskeplass. At dette skapar strid er ikkje unaturlig. Andre liknenede utbygninger har variererne resultat vedr fiske.

Fleire data, bilete og vatn på nettsida Sportsfiske i Norge.

Artikkelforfattaren Lars Bjørkeland driv nettsida Sportsfiske i Norge, som inneheld faktainformasjon om fiskevatn i Norge. Annankvar fredag vert eit av vatna frå Sportsfiske i Norge presentert i Firda, både på nett og i papiravisa. Ønskjer du å bidra med tekstar, bilete, tips eller anna stoff til Firda sine sportsfiskesider, sender du det inn her på denne sona.

Til hausten er det igjen duka for kommune- og fylkestingsval, og Firda ønskjer både politikarar og veljarar velkommen til vår valsatsing på nett og papir.

Vi har oppretta valsoner for alle dei tolv kommunane i dekningsområdet vårt, og ei eiga sone for fylkestingsvalet. Målet og ønsket vårt er at desse sonene skal stimulere til gode og spennande debattar om store og små saker, som er viktige å setje søkjelys på i valkampen i kvar kommune.

Vi inviterer og oppmodar politikarar og veljarar til å melde seg inn i valsona for sin kommune.

Adressa til dei ulike valsonene er:
Askvoll – http://www.firda.no/askvoll
Fjaler – http://www.firda.no/fjaler
Flora – http://www.firda.no/flora
Førde – http://www.firda.no/førde
Gaular – http://www.firda.no/gaular
Gloppen – http://www.firda.no/gloppen
Gulen – http://www.firda.no/gulen
Hyllestad – http://www.firda.no/hyllestad
Høyanger – http://www.firda.no/høyanger
Jølster – http://www.firda.no/jølster
Naustdal – http://www.firda.no/naustdal
Solund – http://www.firda.no/solund
Fylkestinget – http://www.firda.no/fylkestinget

I valsonene kan politikarar og veljarar på lik linje publisere innlegg, saker og bilete, og kommentere det andre har publisert. Det er også ei meiningsmåling på sona, der du kan stemme på det partiet du hadde valt dersom det var val i dag.

Sonene er ei direkte kommunikasjonskanalar mellom politikarar og veljarar, der politikarane kan nå ut med saker dei vil løfte fram og veljarane kan reise saker dei meiner politikarane må ta stilling til.

Det er ei eiga portalside for valsatsinga, som har adressa http://www.firda.no/val2011.

Frå denne sida kan du navigere vidare til den kommunen du ønskjer, og portalsida samlar også det nyaste innhaldet frå alle undersonene. Vi oppmodar også til å bli medlem av denne sona.

For å få innlegg i valkampen på trykk i papiravisa, må innlegget publiserast i valsona for den kommunen det gjeld.

Firda inviterer og oppmodar alle politikarar og veljarar i Gaular til å bli medlem av vår nye valsatsing for kommunevalet i 2011.

Det er oppretta ei valsone for kvar kommune i dekningsområdet vårt, og ei for fylkestinget.

Sona for Gaular har adressa http://www.firda.no/gaular.

Her kan politikarar og veljarar på lik linje publisere innlegg, saker og bilete, og kommentere det andre har publisert. Det er også ei meiningsmåling på sona, der du kan stemme på det partiet du hadde valt dersom det var val i dag.

Sona er ein direkte kommunikasjonskanal mellom politikarar og veljarar, der politikarane kan nå ut med saker dei vil løfte fram og veljarane kan reise saker dei meiner politikarane må ta stilling til.

Det er ei eiga portalside for valsatsinga, som har adressa http://www.firda.no/val2011. Frå denne sida kan du navigere vidare til den kommunen du ønskjer, og portalsida samlar også det nyaste innhaldet frå alle undersonene. Vi oppmodar også til å bli medlem av denne sona.

For å få innlegg i valkampen på trykk i papiravisa, må innlegget publiserast i valsona for den kommunen det gjeld.