Bingo på Yndestad gard klokka 19.30 på pinsedag. Sal av mat og kaffi. Arr.: Guddal Ungdomslag

Førde og Omegn Revmatikarforening inviterer til basar på FI-Senteret i Hafstadvegen. Åre- og loddsal. Mange fine gevinstar. Alle velkomne!

Det er klart for konsert med Good Time Charlie på Tønna i Bygstad.Dette blir første konserten til Good Time Charlie i Sunnfjord etter at bandet sleppte det kritikarroste albumet «Garage A-Go-Go!» i oktober.
Platesleppkonserten på Garage, i Bergen, blei belønna med terningkast 6 i Bergens Tidende.I desse dagar blir låten «Timesqueezer» lansert som singel og bandet håpar den blir lista på radio i løpet av mars.
15. mars er Good Time Charlie med på NRK – Førkveld med låtane «Timesqueezer» og «Garage A-Go-Go!».30. mars er dei å finne på Vossajazz.

Minner om årsmøtet i Askvoll Diabeteslag på Askvoll Sjubuer tysdag 6. mars kl. 17.00.

Vi inviterer til dans på Yndestad Gard laurdag 28. januar kl. 21.30. Ronny Frøholm spelar.

Sal av mat og kaffi. Guddal Ungdomslag.

Ronny Fløholm spelar til dans på Yndestad Gard laurdag 5. november frå kl. 22.00.

Soknerådet ønskjer å gjere litt stas på alle som bidrar i det store kyrkjelydsarbeidet i Førde. Difor er alle inviterte til minikonsert og årsfest på Førde kyrkjetun onsdag kveld.

Førde Minigospel og Førde Tween Sing opnar festen med song og musikk frå musikkspelet ”Å så vakkert”. Vidare blir det verbale innslag, alvor og humor, song og ei god matøkt.

Årsfesten gir kyrkjelyden ein sjanse til å diskutere soknerådets årsmelding og rekneskap for fjoråret, men også til å lufte synspunkt på arbeidet vidare.

Årsmeldinga fortel at det er mykje å glede seg over. At sjølve kyrkjebygningen er blitt 125 år, vart markert sist haust, mellom anna med ein stor konsert på jubileumsdagen. Korsongen står sterkt, det vart vist til fulle då både Knøttekoret, Førde kyrkjes jentekor, Førde Minigospel, Førde Tween Sing, Deciding, Førde gutekor, Førde jentekor og Førde kyrkjekor medverka!
Til jubileet fekk Førde kyrkje også ei flott gåve; 3. oktober kunne to klokker i tårnet invitere til kyrkje då 125-årsmarkeringa heldt fram med gudsteneste og kyrkjekaffi.

Men årsmeldinga viser først og fremst at det er stor aktivitet i kyrkjelyden året rundt. På grunn av trusopplæringsreforma, som har komme langt i Førde, er det i gang eit omfattande arbeid for born og unge frå 0 til 18 år. Ikkje minst har babysong slått godt an, i Førde under namna ”Spiren” og ”Babyspiren” på kyrkjetunet. Kyrkjetunet er også base for dei mange barne- og ungdomskora og konfirmantundervisninga. I kyrkja vert det gjennom året halde både fireårssamling, seksårssamling, Vakuumveka (7-10 år) og Lys vaken for 11-åringane, i tillegg til tilbod for barnehagar og skule.

Kyrkjesøknaden held seg stabil i Førde, viser statistikken. I tillegg til høgmesser og familiegudstenester søndag kl. 11 er det blitt vanleg med Tomasmesse og kveldsmesse til andre tider. I fjor var dessutan kyrkjekonsertane svært godt besøkte.

Diakoni er kyrkja si omsorgsteneste, og siste året vart det satsa spesielt på kristent interkulturelt arbeid (KIA), diakoni i trusopplæringa og samarbeid med Kronborg Ressurshage. Dei månadlege KIA-samlingane, som kom i gang i fjor, er blitt eit godt besøkt treffpunkt på tvers av kulturar. KIA er eit samarbeid mellom kyrkja og misjonsorganisasjonar. Elles er kyrkjelyden sine misjonsprosjekt framleis i Madagaskar og Mali.

Med så mange tilbod på så mange felt trengst det også mange frivillige medarbeidarar i tillegg til ein dyktig stab. Det har vi i Førde, og soknerådet vil takke alle som bidrar. Ein måte å takke på er å invitere til fest på onsdagskvelden – til informasjon og inspirasjon!

Førde sokneråd

Besøk av Noralv Distad.

Evalueringa på kurs 1 som var halde for eitt år sidan, gav mange positive tilbakemeldingar. Svært mange av deltakarane kunne tenkja seg nytt kurs med liknande tema. Også det nye kurset er ope for alle, og går av stabelen over to helgar i januar og februar.

Som sist er det diakon Marianne Kraft som er kursleiar, og kursstaden er Førde bedehus.

Kurset går over seks datoar slik: Torsdag-laurdag 20.-22. januar og torsdag-laurdag 3.-5. februar. På torsdagane og fredagane går det på kveldstid kl 19.00 – 21.30, og om laurdagane på dagtid kl 09.00 – 12.00. Forma vekslar mellom førelesingar, dialog og gruppearbeid. Det blir servert eit enkelt måltid på samlingane.

”Ta vare på deg sjølv og andre” er overskrifta for kurset. Kurset går under nemninga kurs 2, men det er ikkje noko vilkår at ein har delteke på kurs 1. Dei spesielle emna denne gongen er: Kjensler og kommunikasjon, Skuld, skam og tilgjeving, Vandring med kvilepuls. Det siste handlar om korleis ein kan unngå å bli utbrend.

Kostnaden med kurset dekkar kursleiar, lærebok, kursmateriell, mat og andre kursutgifter. Kurset kostar kr 750,- (ektepar kr 1300) for ”nye” deltakarar, og kr 550,- (ektepar kr 1100,-) for dei som deltok på kurs 1 og dermed alt har læreboka ”Nærhet”.

Også denne gongen står desse saman om å vera arrangørar: Førde sokneråd, Kristkyrkja, Misjonsselskapet, Misjonssambandet og Normisjon i Førde og på Vassenden. Påmeldingsfristen er 12. januar. Meir informasjon og påmelding, ta kontakt med underskrivne på tlf 918 19 561.

Arrangørgruppa v/ Per Ingolv Nygård

Tradisjonen tru vert det julefest i regi av Førde sokneråd på Kyrkjetunet kl. 18.00 sjette juledag. Her byr vi på forskjellig underhaldning, romjulstankar, og mykje song og musikk, mellom anna ved ei fersk ungdomsgruppe og ved Prosjektkoret som også medverka på konserten i kyrkja siste helga før jul. Matservering høyrer med på desse julefestane, til liks med gang rundt juletreet. Alle er hjarteleg velkomne! Inngangspengar: Familie kr. 150,-. Vaksne kr. 50,-. Born under 12 år gratis.

Tysdag 4. juledag vert juletrefesten i Flekke avvikla. Program, juletregong, matøkt og ettermiddagskos. Ta med heile familien til ei fin stund i Vonheim. Kanskje kjem nissen? Velkomen til store og små.

Velkomen til haustfest på Hovland. Knut Arne med gitaren vert med. Lodd- og åresal. Du kan vinne. Vi kosar oss med kaffi og noko attåt.
Hovland Kvinnelag

80-årsjubileum for Foreininga for redningsskøytene. Basar i grendehuset i Stongfjorden til inntekt for Redningsselskapet. Vi får besøk av Redningsskøytene i Gulen, Henry Indrebø, og av distriktsstyret i Florø. Song av Fjorddur.

Søndag 6. juni kl. 11 går turen til Fløyen og Hatlelifjell. Startpunkt: Avsnes. Sluttpunkt: Teigen. Turleiar køyrer sjåførane tilbake til startpunktet for henting av bilar. Turen vil ta ca 5-6 timar. Ein flott tur med mykje fin utsikt, gjer obs på at første partiet frå Fløyen til Hatlelifjell er noko bratt nedstigning. Familietur (barn over 10 år). Turleiar Marit Bjørkum Aven. Alle velkomne!

Indre Sunnfjord Turlag arrangerer tur til Håsteinen, ca. 933 moh., søndag 6.juni. Vi køyrer samla frå Esso, Førde, og startar i Høydalen kl.11.00. Vi må ta atterhald om at snøen er vekke, og at elvane ikkje er større enn at vi greier og forsere dei! Vi vonar på fint vêr, så blir det ein fin tur gjennom vakkert landskap! Velkommen til ein fin tur og ei fantastisk utsikt frå Håsteinen!
Indre Sunnfjord Turlag
Ludvig Birkeland
- turleiar -

Laurdagskafeen på Naustdal kyrkjelydshus går ut denne laurdagen.

Det vert møte på Misjonsheimen onsdag kl. 19.30. Songgruppe frå Hedmark og Ivar Kr. Berland frå indremisjonen deltek. Tilskipar: Sogn og Fjordane indremisjon

Det vert møte på bedehuset tysdag kl. 19.00. Songgruppe frå Hedmark og Ivar Kr. Berland frå indremisjonen deltek. Askvoll sjukeheim kl. 16.30. Tilskipar: Sogn og Fjordane indremisjon

Det vert song- og musikkmøte på fiskarheimen måndag kl. 19.00. Songgruppe frå Hedmark og Ivar Kr. Berland frå indremisjonen deltek. Kveldsmat. Tilskipar: Sogn og Fjordane indremisjon