Sogndal Filmfestival er ein årleg festival som blir arrangert for at ungdom skal få sjansen til å vise sitt talent innan film. Det er òg ein god moglegheit til å få vise arbeidet sitt for ein jury og for eit større publikum. Måndag 19. mars skal det vera workshop og gallakveld i Sogndal kulturhus. På gallakvelden vert det god underhaldning og premieutdeling i ulike filmkategoriar. Det skal vera ein eigen juniorklasse for barne- og ungdomsskuleelevar, og ein publikumspris i samarbeid med NRK Sogn og Fjordane. Tysdag 20. mars skal det vera fagdag i kulturhuset, og her vil det dukke opp ein god blanding av kjente og erfarne foredragshaldarar innan filmproduksjon og liknande.

Marknadssjef Marita Vindedal og festivalsjef Silje Bråstad håper å få inn mange filmar til Sogndal Filmfestival 2012, og at mange vil komme og delta på arrangementet.

For meir informasjon: http://www.nrk.no/nyheter/distrikt/nrk_sogn_og_fjordane/1.7912582
Nettstad er under utvikling: www.sogndalfilmfestival.no