Laurdag 10.09. tek Indre Sunnfjord Turlag oppatt tradisjonen med overnattingstur til Longevasshytta. Denne turen har hatt mange variantar, men i år går vi frå Nes til Longevasshytta på laurdagen. Turen går etter den merka ruta, som er endra litt frå tidlegare. Vi går no frå den nye parkeringsplassen ovanfor Nes, og fortset over den nye brua over Nausta ved Nesstølen. Den gamle vart teken av isras i vinter. Turen til Longevasshytta tek omlag 6 timar. Søndagen går vi gjennom Blåskaret til Blådalen, passerer Fagredalen og fortset til Fitjestølen. Derifrå via Fitjedalen til Sandane.
Turen går i variert og flott terreng, og er sjølvsagt eit “must” for turfolk. Det er påmelding til turen på grunn av kapasiteten på Longevasshytta og transport frå Sandane.