Raudt Høyanger meiner asylsøkjarar og flyktningar som ikkje kan returnere til heimlandet, må få rett til arbeid. Andelen av asylsøkjarar som får lov til å jobbe har gått kraftig ned. Årsaka er at det krevst gyldig pass – noko mange av naturlege årsaker ikkje har. Det finst i tillegg svært mange flyktningar som har fått avslag på søknaden, men som ikkje kan returnere.

Raudt Høyanger meiner at regelverket må endrast. Mange flyktningar og asylsøkjarar vil gjerne ”gjere opp for seg” gjennom arbeid. Vi trur dessutan at dette er viktig for at dei verkeleg skal kunne føle seg heime i landet vårt. Og er det ikkje slik at landet vårt på område etter område manglar arbeidskraft?

Raudt Høyanger
Einar Rysjedal, leiar